Էրեբունիի հնավայրում հայ-ֆրանսիական արշավախումբը հնագույն որմնանկար է հայտնաբերել
Էրեբունիի հնավայրում աշխատող հայ-ֆրանսիական համատեղ արշավախումբը հայտնաբերել է որմնանկարի նոր դրվագ, որի գունային շերտերը պահպանվել են բարձր որակով։
Ըստ մասնագետների նախնական տվյալների՝ հայտնաբերված պատմական նմուշը վերաբերում է մ.թ.ա. VII դարի երկրորդ կեսին կամ VI դարի սկզբին։
Հայաստանում Ֆրանսիայի դեսպանությունն անդրադարձել է գտածոյին՝ այն գնահատելով որպես երկկողմ գիտական համագործակցության հաջողված արդյունք։ Դեսպանության փոխանցմամբ՝ համատեղ պեղումներն ու հետազոտական ծրագրերը շարունակվում են։
