Հուլիսի 23-ին հայկական զորքը մտավ Ակնա(Աղդամ)

 Ակնայի ազատագրումը Արցախյան առաջին պատերազմի ամենակարևոր ռազմական գործողություններից էր՝ Շուշիի հաղթանակից հետո։

 Աղդամը ադրբեջանական ուժերի գլխավոր հենակետերից էր, որտեղ կենտրոնացված էին խորհրդային բանակից մնացած մեծաքանակ զինամթերք և հզոր հրետանային դիրքեր։ Այդտեղից մշտապես թիրախավորվում էին Ստեփանակերտն ու հարակից բնակավայրերը։

 1993 թվականի հուլիսի 4-ին հայկական ուժերը սկսեցին լայնածավալ ռազմական գործողություն՝ ապահովելու Արցախի մայրաքաղաքի և խաղաղ բնակավայրերի անվտանգությունը։

 Հուլիսի 23-ին Արցախի պաշտպանության բանակի ստորաբաժանումները համատեղ գործողություններով մտան Աղդամ։ Գործողությանը մասնակցել են՝

• Մարտունու պաշտպանական շրջանի ուժերը (գնդապետ Մովսես Հակոբյան),

• Ասկերանի պաշտպանական շրջանի ուժերը (գեներալ Վիտալի Բալասանյան),

• Կենտրոնական պաշտպանական շրջանի ուժերը (գեներալ Սամվել Կարապետյան),

• 71-րդ առանձին մոտոհրաձգային գումարտակը (Կարեն Բաբայան)։

 Ակնայի ազատագրումը ոչ միայն ռազմավարական նշանակության հաղթանակ էր, այլև կարևոր հոգեբանական ձեռքբերում՝ նպաստելով հետագա ռազմական հաջողություններին։

 Հավերժ փառք Ակնայի ռազմակայանի ոչնչացման հերոսական գործողության բոլոր մասնակիցներին։

Նրանց խիզախությունն ու անձնվիրությունը հավերժ կմնան մեր ազգային հիշողության մեջ։