Հայկական Գանձասարը՝ Գյանջասար, Դադիվանքը՝ Խուդավենգ են կոչում ադրբեջանցիները

Արցախի օկուպացիայից հետո հայկական պատմամշակութային ժառանգությունը խեղաթյուրելու, իրենցով անելու Բաքվի գործելաոճին ցավոք, միացել են նաև այդ երկրում ապրող  աղվանա-ուդիական քրիստոնեական կրոնական համայնքի ներկայացուցիչները,  հայտարարություն  տարածել ու այսպես ասած վճռականորեն դատապարտել  հայ հասարակության և քաղաքական շրջանակների արձագանքը  Գանձասարի և Դադիվանքի շուրջ աղմուկին: Կրկնելով Ադրբեջանի նախագահի օգնականի  պնդումները, թե Գանձասարն ու Դադիվանքը  աղվանական պատմամշակութային ժառանգություն են, հայտարարության հեղինակները համարում են, թե հայկական լոբբիստական շրջանակները  մինչև օրս չեն հրաժարվել պատերազմի քարոզչությունից, ինչը  ոչ միայն պատմական փաստերի հերքում և կեղծում է, այլև սպառնալիք է ստեղծում տարածաշրջանում ձևավորվող փխրուն խաղաղ գործընթացի համար: