Հայաստանը մասնակցում է կոմիտեի 48-րդ նստաշրջանին։

Կորեայի Հանրապետության Բուսան քաղաքում ընթացող ՅՈՒՆԵՍԿՕ-ի Համաշխարհային ժառանգության կոմիտեի 48-րդ նստաշրջանին Հայաստանն առաջին անգամ մասնակցում է որպես կոմիտեի ընտրված անդամ։

Նստաշրջանի ընթացքում հաստատվել է Հայաստանի ներկայացրած նոր հայտը, և «Արենի-1 քարայր. նախնադարյան կյանքը և գինեգործությունն Արփա գետի հովտում» հուշարձանախումբն ընդգրկվել է ՅՈՒՆԵՍԿՕ-ի նախնական ցանկում։ Նախագիծը կյանքի է կոչվել պետություն-մասնավոր արդյունավետ համագործակցության շնորհիվ՝ ՀՀ ԿԳՄՍ նախարարության, «Արենի-1 քարայր» հիմնադրամի և «Հայաստանի էնոտուրիզմի խորհուրդ» ՀԿ-ի ջանքերով։

Վերջին 3 տարիների հետևողական աշխատանքի արդյունքում Հայաստանին հաջողվել է կրկնապատկել իր հայտերի թիվը՝ 1995 թվականին գրանցված 4 հայտերին ավելացնելով ևս 4-ը։