Կինոյի տանը կայացած հանդիսավոր արարողությամբ եզրափակվեց երևանյան 23-րդ միջազգային կինոփառատոնը

 Հանձնաժողովն ամփոփել է արդյունքները և հայտարարել այս տարվա մրցանակակիրների անունները։

Միջազգային լիամետրաժ ֆիլմերի մրցույթ

• «Ոսկե ծիրան» (Գլխավոր մրցանակ)․ «Հոսանքներ» (The Currents), ռեժ․՝ Մելագրոս Մումենթալեր

• «Արծաթե ծիրան»․ «Անցյալ․ ապառնի․ շարունակական» (Past, Future, Continuous), ռեժ․՝ Մորթեզա Ահմադվանդ, Ֆիրուզե Խոսրովանի

• Ժյուրիի հատուկ հիշատակում․ «Լոնդոն» (London), ռեժ․՝ Սեբաստիան Բրամեսհուբեր

Տարածաշրջանային մրցույթ

• «Ոսկե ծիրան»․ «Ամիրի հոգում» (Inside Amir), ռեժ․՝ Ամիր Ազիզի

• «Արծաթե ծիրան» & FIPRESCI մրցանակ․ «Չորացած տերև» (Dry Leaf), ռեժ․՝ Ալեքսանդրե Քոբերիձե

«Կորիզ» կարճամետրաժ ֆիլմերի մրցույթ

• «Ոսկե ծիրան» & Գենադի Մելքոնյանի անվան հատուկ մրցանակ․ «Մենավոր երկխոսություններ» (Dialogues Solitaire), ռեժ․՝ Սերուժ Հովսեփյան

• «Արծաթե ծիրան»․ «Վարձու սգավորներ» (Paid Mourners), ռեժ․՝ Օվսաննա Գևորգյան

• Հատուկ հիշատակումներ․ «Ռելիքվիա» (Relic, ռեժ․՝ Սոնա Խաչատրյան) և «Մենակ երկուսով» (Together Alone, ռեժ․՝ Արթուր Սահակյան)

Հատուկ մրցանակներ և փակման ֆիլմ

Թերեզա Նվոտովայի «Հայրը» ֆիլմն արժանացել է Հայաստանում և Վրաստանում տարածման հատուկ մրցանակին, որը ներառում է 6,000 եվրոյի դրամական աջակցություն՝ տարածաշրջանային ցուցադրություններն ապահովելու համար։

Փառատոնի հանդիսավոր փակումն ազդարարվեց ռեժիսոր Գոդֆրի Ռեջոյի «Ժուկով-ժամանակին» ֆիլմի պրեմիերայով: