Փոխադարձ հարվածները շարունակվում են ԱՄՆ-Իրան ճակատում

Վեցերորդ գիշերն է ԱՄՆ զինված ուժերը շարունակում է հարվածել Իրանին՝ նպատակ ունենալով թուլացնել Իսլամական հանրապետության  ռազմական կարողությունները։

Մինչդեռ իրանական պետական Press TV-ն պնդում է, որ հարվածների թիրախում են  հայտնվել նաև քաղաքացիական օբյեկտներ՝ այդ թվում  Հորմոզգանի նահանգի երեք կամուրջներ, Բանդար Աբբասի բնակելի թաղամասը, Քիշ կղզու էլեկտրական ենթակայանը, ինչպես նաև Բանդար Աբբասի և Իրանշահրի օդանավակայանների մերձակայքը։

Իրանական լրատվամիջոցները նաև պայթյունների մասին են հայտնել Բուշերում, որտեղ գտնվում է երկրի միակ քաղաքացիական ատոմակայանը։

Ըստ հաղորդագրության՝ հարվածների հետևանքով երեք մարդ զոհվել է, 15-ը՝ վիրավորվել։

Ի պատասխան՝ Իրանի Իսլամական հեղափոխության պահապանների կորպուսը հայտարարել է, որ երկրի բանակի հետ համատեղ հարվածներ է հասցրել տարածաշրջանում գտնվող ամերիկյան ռազմական օբյեկտներին։

Tasnim գործակալության փոխանցմամբ՝ անօդաչուների թիրախում են եղել Բահրեյնի Սախիր ավիաբազայում տեղակայված ամերիկյան ուղղաթիռներն ու հետախուզական ինքնաթիռները։