91 տարեկան հասակում կյանքից հեռացել է Քրիս Ջենների մայրը և Քիմ, Քորթնի, Քլոե, Ռոբ Քարդաշյանների, ինչպես նաև Քենդալ և Քայլի Ջեններների տատիկը՝ Մերի Ջո «Էմ Ջեյ» Շենոնը։

Մոր մահվան մասին Ինստագրամի իր պաշտոնական էջում հայտնել է 70-ամյա Քրիս Ջենները՝ հրապարակելով հուզիչ հրաժեշտի խոսքեր․
«Այսօր մենք հրաժեշտ տվեցինք իմ գեղեցիկ մայրիկին՝ Էմ Ջեյին: Չկան բառեր, որոնք կարող են արտահայտել, թե ինչ էր նա նշանակում ինձ համար կամ որքան դժվար է հրաժեշտ տալը: Մայրիկս մեր ընտանիքի սիրտն էր: Նա ինձ սովորեցրեց ամենակարևոր բաները՝ անվերապահորեն սիրել ընտանիքդ, լինել բարի, միշտ լինել նրանց կողքին, ում սիրում ես, և գնահատել միասին անցկացրած յուրաքանչյուր պահը»։
Էմ Ջեյը հանրությանը քաջ հայտնի էր ընտանիքի մասին պատմող ռեալիթի շոուներից, որտեղ հաճախ էր հայտնվում էկրաններին և վայելում էր հեռուստադիտողների սերն ու հարգանքը։