Հրդեհ է բռնկվել Իմամ Ռեզայի դամբարանի տարածքում, որտեղ թաղված է Ալի Խամենեին
Այս մասին հայտնում է իրանական «Tasnim News» լրատվական գործակալությունը։
Ըստ ստացված տեղեկությունների՝ բռնկման օջախն առաջացել է համալիրի տարածքում գտնվող բիտումի արտադրամասում։ Դեպքի վայր են օպերատիվ կերպով ուղարկվել դամբարանի հրշեջ հաշվարկները, ինչպես նաև Մեշհեդ քաղաքի հրշեջ ծառայության բրիգադները։ Հրշեջների արագ արձագանքման շնորհիվ կրակը սեղմ ժամկետներում տեղայնացվել և հանգցվել է։
Չնայած համալիրի տարածքում արձանագրված թանձր ծխին՝ կրակը չի տարածվել դամբարանի այլ օբյեկտների վրա։ Նախնական տվյալներով՝ միջադեպի հետևանքով ոչ ոք չի տուժել։
