ՀՀ գլխավոր դատախազությունը պետական շահերի պաշտպանության շրջանակում ուսումնասիրել է «Արարատցեմենտ» ՓԲԸ-ի հանքարդյունահանման գործընթացը և հայտնաբերել մի շարք օրինախախտումներ։

Ըստ իրավապահների՝ ընկերությունը, 2008 թվականից սկսած ունենալով տրավերտինի և կավի արդյունահանման թույլտվություն, խուսափել է տարեկան վարձավճարների ու գույքահարկի վճարումներից և իրականացրել ապօրինի ընդերքօգտագործում Արարատի մարզի տարբեր հողամասերում։

Առերևույթ հանցանքի հատկանիշներով դատախազությունն այսօր՝ հուլիսի 16-ին, հաղորդում է ներկայացրել քննչական մարմին։

Հիշեցնենք, որ ավելի վաղ՝ ապօրինի ծագում ունեցող գույքի բռնագանձման վարույթով, Հակակոռուպցիոն դատարանի որոշմամբ «Արարատցեմենտ»-ն արդեն հանձնվել էր ՀՀ կառավարության կառավարմանն ու պահպանմանը։