«Ռոսսելխոզնադզոր»-ը կանխել է Բելառուսի տարածքով հայկական վարդերի ներմուծումը Ռուսաստան
«Ռոսսելխոզնադզոր»-ը հայտարարել է Բելառուսի տարածքով դեպի Ռուսաստան կեղծ փաստաթղթերով տեղափոխվող ավելի քան 39 հազար հայկական վարդի ներմուծման կասեցման մասին։
Ռուսական գերատեսչության փոխանցմամբ՝ բեռնատարը կանգնեցվել է Սմոլենսկի մաքսային կետում։ Մեքենան վարել է Բելառուսի քաղաքացի։
«Ուղեկցող փաստաթղթերում բեռը հայտարարագրված է եղել որպես զովացուցիչ ըմպելիք։ Սակայն պահպանված նույնականացման պիտակների բեկորները փաստում են, որ ծաղիկներն ունեն հայկական ծագում»,- նշված է «Ռոսսելխոզնադզոր»-ի պաշտոնական հայտարարության մեջ։
