Պեղումներ՝ Խնձորեսկում
Ինչպես հայտնում են «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ից, կառույցի ֆինանսական միջոցներով Հին Խնձորեսկի Անապատ եկեղեցում մեկնարկել են հնագիտական պեղումներ, որոնք կտևեն մինչև օգոստոսի 31-ը։
Ըստ ՊՈԱԿ-ի տարածած հաղորդագրության՝ աշխատանքների ընթացքում կհստակեցվի եկեղեցու վերականգնման նախագիծը, որից հետո նախատեսվում է ամբողջությամբ վերականգնել պատմական հուշարձանը։
Հիշեցնենք, որ Անապատ եկեղեցին եղել է միջնադարյան գրչության հայտնի կենտրոն, որտեղ գրվել ու պահպանվել են բազմաթիվ ձեռագրեր։ Եկեղեցու բակի տապանատանն է հանգչում հայոց զորավար Մխիթար Սպարապետը:
