Ի՞նչ սպասել Վաշինգտոն-Թեհրան նոր բանակցություններից
ԱՄՆ-ն Իրանին է փոխանցել Հորմուզի բացման վերաբերյալ նոր առաջարկ
ԱՄՆ-ն միջնորդների միջոցով Իրանի ԱԳՆ ղեկավար Աբբաս Արաղչիին է փոխանցել Հորմուզի նեղուցի բացման և երկխոսության վերսկսման համար Թեհրանի կողմից ավելի վաղ առաջադրված յոթ պայմանների վերաբերյալ իր պատասխանը։ Այդ մասին հայտնել է կառավարության խոսնակ Ֆաթեմե Մոհաջերանին, հաղորդում է ՏԱՍՍ լրատվականը։
«Կառավարության այսօրվա նիստում ներկայացվել է արտգործնախարարի զեկույցը Նյու Յորք կատարած այցի և կայացած մի շարք հանդիպումների մասին, ներառյալ միջնորդների միջոցով ԱՄՆ-ին Հորմուզի նեղուցի բացման համար Իրանի պայմանների փոխանցումը։ Հարգարժան արտգործնախարար պարոն Արաղչին նաև հայտնել է ԱՄՆ-ից առաջարկ ստանալու մասին», - գրել է նա։
Սեպտեմբերի 23-ին Իրանի ԱԳՆ ներկայացուցիչ Էսմաիլ Բաղաին հայտնել էր, որ ՄԱԿ-ի ԳΑ-ի շրջանակներում Կատարի միջոցով ԱՄՆ-ին են փոխանցվել դիվանագիտական գործընթացի վերսկսման համար Իրանի դիրքորոշումներն ու պայմանները։
