Հնդկաստանի պաշտպանության նախարար Ռաջեշ Կումար Սինգհի այցը Հայաստան վկայում է գործընկերության խորացման մասին՝ զենքի գնումներից անցում կատարելով դեպի ավելի սերտ գործառնական, շտաբային համագործակցություն և կադրերի վերապատրաստում։

2020 թվականից ի վեր Հայաստանը Հնդկաստանի հետ կնքել է մոտ 2 միլիարդ դոլարի պաշտպանական պայմանագրեր՝ դառնալով հնդկական զենքի խոշորագույն գնորդը։ Հնդկաստանի պաշտպանության նախարար Ռաջեշ Կումար Սինգհի վերջերս կատարած այցը Հայաստան վկայում է գործընկերության խորացման մասին՝ զենքի գնումներից անցում կատարելով դեպի ավելի սերտ գործառնական, շտաբային համագործակցություն և կադրերի վերապատրաստում։

Ինչպես նշում է NDTV-ն, այս կապերը միայն պաշտպանական գնումներով չեն սահմանափակվում։ Հայաստանը, ունենալով մասնագիտական մեծ ներուժ, կարող է վերածվել համատեղ արտադրական բազայի և պաշտպանական արտահանման hab-ի՝ դեպի Արևելյան Եվրոպա և հարակից տարածաշրջաններ։

Միևնույն ժամանակ, Հայաստանը ձեռք է բերում ռազմավարական կարևորություն որպես տրանսպորտային ու տնտեսական հանգույց։ Հնդկաստանի համար Սև ծով և Եվրոպա տանող ամենակարճ ճանապարհն անցնում է Իրանի Չաբահար նավահանգստից մինչև Հայաստան՝ «Հյուսիս-Հարավ» միջազգային տրանսպորտային միջանցքով։

Տարածաշրջանային ենթակառուցվածքային ծրագրերում ԱՄՆ-ի ներգրավվածությունը և ավանդական ծովային ուղիների խոցելիությունը Հնդկաստանի համար ավելի առաջնային են դարձնում Հայաստանում ներդրումներ կատարելը։ Բացի ռազմական ու տրանսպորտային ոլորտներից, երկու երկրներն ունեն համագործակցության լայն հնարավորություններ առևտրի, արտադրության և աշխատանգային միգրացիայի ոլորտներում (ներկայումս Հայաստանում աշխատում է մոտ 50,000 հնդիկ)։