Լաչինում հանդիպել են Ադրբեջանի և Հայաստանի ներկայացուցիչները
Հայաստանի տարածքային կառավարման և ենթակառուցվածքների նախարարությունը տեղեկացնում է, որ օգոստոսի 25-ին Լաչին քաղաքում կայացել է աշխատանքային հանդիպում երկու երկրների էներգետիկ ոլորտի պատասխանատուների միջև։
Քննարկմանը մասնակցել են ՀՀ ՏԿԵ նախարարության, «Էլեկտրաէներգետիկական համակարգի օպերատոր» ընկերության, ինչպես նաև Ադրբեջանի էներգետիկայի նախարարության և «Ազերէներջի» ընկերության ներկայացուցիչները։
Հանդիպման առանցքում եղել են Հայաստանի և Ադրբեջանի միջև էլեկտրաէներգիայի փոխանակման, ներմուծման ու արտահանման հեռանկարները։ Կողմերը դիտարկել են նաև պետական սահմանին երկու երկրների էներգետիկ ենթակառուցվածքների միացման և փոխկապակցման հնարավոր տարբերակները։
