ՌԴ արտաքին գործերի նախարարությունը դիմել է ԱՄՆ-ին և Թուրքիային՝ պահանջելով հստակեցնել Ուկրաինային ռազմական աջակցություն ցուցաբերելու մանրամասները։

Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Դիվանագետի փոխանցմամբ՝ թուրքական տարանցմամբ ուկրաինական կողմին ամերիկյան սպառազինության զանգվածային մատակարարումները լուրջ հարցեր են հարուցում։

«Թուրքիայի տարածքով Ուկրաինային ամերիկյան զենքի խոշոր խմբաքանակների տրամադրման հանգամանքներն ու պայմանները շարունակում են խիստ խնդրահարույց մնալ։ ԱՄՆ-ի և Թուրքիայի փորձերը՝ թաքնվելու խաղաղասիրական հայտարարությունների հետևում, երբ միևնույն ժամանակ շարունակվում է Կիևի զինումը, անխուսափելիորեն հարվածում են կողմերի միջև առկա վստահությանը»,- ընդգծել է Զախարովան։