Հայաստանը պետք է հրաժարվի տարածքային պահանջներից․Հաջիև
Ադրբեջանի և Հայաստանի համար խաղաղությունը իրականություն է
Ադրբեջանի նախագահի արտաքին կապերի գծով օգնական Հիքմեթ Հաջիևը Ռոյթերսի հետ զրույցում նշել է, թե «Ադրբեջանի համար կարևոր է, որ այն դրույթները, որոնք մենք տարածքային պահանջ ենք համարում մեր երկրի նկատմամբ, պաշտոնապես վերացված լինեն՝ նոր սահմանադրության ընդունման, թե իրավական մեկ այլ մեխանիզմի միջոցով» ։
Միաժամանակ ադրբեջանցի պաշտոնյան հավելել է, որ «Սահմանադրական փոփոխությունների ձևը Հայաստանի ներքին հարցն է»։
«Մենք այժմ ապրում ենք իրական խաղաղության պայմաններում։ Ադրբեջանի և Հայաստանի համար խաղաղությունն այլևս թղթի վրա գրված ինչ-որ խոսքեր կամ հռչակագրեր չեն՝ դա իրականություն է», - նշել է Հաջիևը։
