Երեկ Կարեն Դեմիրճյանի անվան մարզահամերգային համալիրում հանդիսավորությամբ մեկնարկեց Երևանի «Ոսկե ծիրան» 23-րդ միջազգային կինոփառատոնը։

Բացման արարողությունը սկսվեց Chora Gavit: A Score for Moving Bodies տարածական երաժշտական պերֆորմանսով, որից հետո հանդիսատեսին ներկայացվեց բացման ֆիլմը՝ «Միասնական Սահմաններ» հավաքածուի համատեղ արտադրության «Արարատի ձեռքերը» դրաման։

Միջոցառման ընթացքում փառատոնի հիմնադիր նախագահ Հարություն Խաչատրյանը հատուկ մրցանակ՝ «Ոսկե ծիրանի» պատվավոր վաստակի նշանը հանձնեց միջազգային մրցույթի ժյուրիի նախագահ, ռեժիսոր Ջակոմո Աբրուցեզեին:

Այս տարի փառատոնին ներկայացվել էր աշխարհի 90 երկրից ստացված շուրջ 600 հայտ, որոնցից ընտրվել և կինոսերներին կներկայացվի 90 ֆիլմ՝ 40 երկրից։ Ցուցադրությունները տեղի կունենան «Կինոյի տանը», «Մոսկվա» և «Սինեմա Սթար» կինոթատրոններում և կշարունակվեն մինչև հուլիսի 19-ը։