Եվրամիությունն իր անհեռատեսության հետևանքով կորցնում է առավելությունները, այնտեղ մտնելու Սերբիայի և Հայաստանի ցանկությունը

Վլադիվոստոկում անցկացվող Արևելյան տնտեսական համաժողովում Ռուսաստանի արտգործնախարարը հայտարարել է, որ Եվրամիությունը իր անհեռատեսության հետևանքով կորցնում է առավելությունները, այնտեղ մտնելու Սերբիայի և Հայաստանի ցանկությունը «շատ շուտով կկորչի»:

«Տնտեսապես Եվրոպական միությունը շատ գործոնների, այդ թվում՝ իր անհեռատեսության, եթե չասենք՝ հիմարության, հետևանքով կորցնում է իր առավելությունները: Եվ իներցիայով շարունակում են են երկրները՝ մեր սերբ բարեկամները, ահա այժմ նաև մեր հայ գործընկերները, շարունակում են ասել. - «Ահա մենք ցանկանում ենք մտնել Եվրամիություն: Ես վստահ եմ, որ նրանց այդ ցանկությունը կկորչի շատ շուտով», - ТАСС լրատվական գործակալության փոխանցմամբ՝ ասել է Սերգեյ Լավրովը: