Զինծառայողի սպանության դեպքով քրեական վարույթ է նախաձեռնվել. կա ձերբակալված
Հայաստանի Հանրապետության քննչական կոմիտեն քրեական վարույթ է նախաձեռնել Պաշտպանության նախարարության N զորամասի զինծառայող Էդգար Գևորգի Գևորգյանի մահվան փաստով։
Հիշեցնենք, որ օգոստոսի 23-ին, հայտնաբերվել է զինծառայողի դի՝ հրազենային վնասվածքով։
Վարույթը հարուցվել է ՀՀ քրեական օրենսգրքի 155-րդ հոդվածի 1-ին մասի հատկանիշներով, որը նախատեսում է պատասխանատվություն սպանության համար։ Իրավապահ մարմինների իրականացրած օպերատիվ-քննչական միջոցառումների արդյունքում առերևույթ հանցագործություն կատարած անձն արդեն հայտնաբերվել և ձերբակալվել է, իսկ դեպքի բոլոր հանգամանքները պարզելու ուղղությամբ քննությունը շարունակվում է։
