Հայաստանի Անկախության հռչակագրի ընդունման օրն է
1990 թվականի օգոստոսի 23-ին Հայաստանի Գերագույն խորհրդի առաջին նստաշրջանն ընդունեց «Հռչակագիր Հայաստանի անկախության մասին» պատմական փաստաթուղթը, որով ազդարարվեց մեր պետականության վերականգնման ու անկախացման գործընթացի հիմնադրումը։
Այս նշանակալից իրադարձությունից 36 տարի անց՝ 2026 թվականից, օգոստոսի 23-ը Հայաստանում պաշտոնապես նշվում է նաև որպես Պետական խորհրդանիշների օր։
Այս պատմական օրվան կից ներկայացված լուսանկարում Հայաստանի Առաջին Հանրապետության վերականգնված եռագույն դրոշն է, որը 1918 թվականին զարդարել է վարչապետ Հովհաննես Քաջազնունու աշխատասենյակը։ Մետաքսյա այս բացառիկ մասունքը, որն այժմ պահվում է Հայաստանի պատմության թանգարանի հավաքածուում, թանգարանին է նվիրաբերել վարչապետի դուստրը՝ Մարգո Քաջազնունին։
