Բանակը խայտառակ անողները դարձել են բանակի դեմքը Փաշինյանը վաբա՞նկ է գնում Ինչո՞ւ է Փաշինյանը նյարդային.Ներքի՞ն, թե՞ արտաքին ազդակներ կան Խաղաղության ճանապարհին մեկ խոչընդոտ կա՝ ընդդիմությունը. Նիկոլ Փաշինյան Հայաստանի ոչ մի ղեկավար երբևէ իրեն թույլ չի տվել ժողովրդի առջև հանդես գալ նման գռեhիկ պահվածքով. Լևոն Տեր-Պետրոսյանը՝ Փաշինյանի մասին Առաջիկա օրերին ջերմաստիճանը կբարձրանա 3-5 աստիճանով, ապա նույնքանով կնվազի Հայաստանը թուրքական կողմի հետ նախատեսում է երկրորդ կամուրջ կառուցել Մարգարայի հատվածում. Արարատ Միրզոյան Սի-Թրամփ-Պուտին հանդիպումն ավարտվել է. այն տևել է 1,5 ժամ
Իսպանական լողափում հայտնաբերվել է Վեներա աստվածուհու՝ մոտ 2000 տարվա վաղեմության արձանի գլուխը

Իսպանական լողափում հայտնաբերվել է Վեներա աստվածուհու՝ մոտ 2000 տարվա վաղեմության արձանի գլուխը

  • 167

Իսպանիայի Ալիկանտե քաղաքի Ալմադրաբա լողափի բարեկարգման և խրամատների փորման աշխատանքների ընթացքում բանվորները ավազի ու քարերի մեջ նկատել են հռոմեական սիրո աստվածուհի Վեներայի մարմարե գլուխը: El País պարբերականի փոխանցմամբ՝ յուրօրինակ արտեֆակտը թվագրվում է մ.թ. I-II դարերին:

Գտածոն նկատելուն պես աշխատանքները դադարեցվել են, և տեղանք են հրավիրվել մասնագետներ: Չնայած շինարարները նախապես չէին տեղեկացրել հնագիտական վերահսկող մարմնին խրամատ փորելու մասին, նրանք արագ արձագանքել են իրավիճակին: Ալիկանտեի մշակութային ժառանգության վարչության ղեկավար Խոսե Մանուել Պերես Բուրգոսի խոսքով՝ արձանի գլուխը բավականին լավ է պահպանվել. չնչին վնասվածքներ կան միայն քթի և կզակի հատվածում:

14 կիլոգրամ քաշ, 22․2 սմ բարձրություն և 19․8 սմ լայնություն ունեցող գլուխը, մասնագետների կարծիքով, եղել է ամբողջական արձանի մաս, այլ ոչ թե առանձին կիսանդրի: Այն այժմ տեղափոխվել է Ալիկանտեի ժամանակակից արվեստի թանգարան, որտեղ ընթանում են ուսումնասիրության աշխատանքները: Քաղաքային իշխանությունները ծրագրում են ցուցադրել արտեֆակտը լայն հանրությանը մինչև տարեվերջ:

Նախորդ հոդվածը
Հնագույն քաղաք՝ ակադեմիական քաղաքի տարածքում.Հնագետների բացահայտումը
Հաջորդ հոդվածը
Նոր հնագիտական բացահայտում՝ Հին Խնձորեսկում