Մեղադրող դատախազը միջնորդեց փոխել «Ուժեղ Հայաստան» կուսակցության պատգամավոր Դավիթ Ղազինյանի խափանման միջոցը

Հակակոռուպցիոն դատարանում Դավիթ Ղազինյանի գործով առաջին նիստի ընթացքում հանրային մեղադրողը միջնորդեց Ղազինյանի նկատմամբ որպես խափանման միջոց կալանքը փոփոխել։

«Մեղադրանքի կողմը գտնում է, որ Դավիթ Ղազինյանը պատգամավորի կարգավիճակ ձեռք է բերելու 2026թ. օգոստոսի 2-ին։ Հաշվի առնելով, որ մինչ այդ դատական նիստեր չունենք նշանակած, այսօր մեղադրանքի կողմը միջնորդում է Դավիթ Ղազինյանի նկատմամբ կալանք խափանման միջոցը փոփոխել; որպես խափանման միջոց կիրառել գրավը 1 մլրդ դրամի չափով, վարչական վերահսկողություն և բացակայելու արգելը համակցված»,-ասաց դատախազը՝ ավելացնելով, որ վարչական վերահսկողության ընթացքում պետք է կիրառվի էլեկտրոնային սարք։

Մինչ այդ դատախազը միջնորդել էր գործով անցնող մյուս երկու մեղադրյալների նկատմամբ ընտրել 3-ամսյա կալանքը։