Հուլիսի 21-ին Կենտրոնական ընտրական հանձնաժողովում տեղի կունենա նորընտիր խորհրդարանի պատգամավորների մանդատների հանձնման պաշտոնական արարողությունը։

Սակայն մինչև մեկնարկը, ըստ մամուլի՝ արդեն իսկ հայտնի են դարձել պատգամավորական աթոռից հրաժարվողների առաջին անունները։Մասնավորապես՝ «Ուժեղ Հայաստան» դաշինքի ընտրական ցուցակից ինքնաբացարկի դիմումներ են ներկայացրել մի շարք թեկնածուներ։ Նրանց թվում են Գյումրու փոխքաղաքապետ Ավետիս Առաքելյանը, փաստաբան Գոհար Մելոյանը, Տարածքային կառավարման և ենթակառուցվածքների նախարարի նախկին տեղակալ Լիլյա Շուշանյանը և Արթուր Դանիելյանը։

Հիշեցնենք, որ նոր խորհրդարանում քաղաքական ուժերի միջև տեղերը բաշխվել են հետևյալ համամասնությամբ. իշխող «Քաղաքացիական պայմանագիր» կուսակցությունը ստացել է 64 մանդատ, ընդդիմադիր «Ուժեղ Հայաստան» դաշինքը՝ 29 մանդատ, իսկ «Հայաստան» դաշինքը՝ 12 մանդատ։