Ընդդիմադիր «Ուժեղ Հայաստանի» առաջնորդ Սամվել Կարապետյանն հայտարարել է . «խաղաղություն՝ առանց զիջումների» ծրագրի շուրջ «համախմբելու են ընդդիմադիր շատ ուժերի

Ընդդիմադիր «Ուժեղ Հայաստանի» առաջնորդ Սամվել Կարապետյանն այսօր կրկին հայտարարեց՝ «համախմբելու ենք ընդդիմադիր շատ ուժերի»՝ նշելով, որ երկու շաբաթից կներկայացնեն «խաղաղություն՝ առանց զիջումների» ծրագիրը:

Թե որ ուժերի մասին է խոսքը Կարապետյանը չմանրամասնեց, միայն նշեց. «Համախմբելու ենք ճիշտ ուժերի, ովքեր իրոք ընդդիմադիր են»:

«Ես նույնիսկ դիմելու եմ, որ ՔՊ-ականները միանան մեզ, քանի որ իրենք էլ դարձել են Փաշինյանի կամակատարները, այնտեղ էլ կան արժեքավոր մարդիկ, որ իրավունք չունեն մնալ Փաշինյանի կամակատարներ», - լրագրողների հետ ճեպազրույցում ասաց նա:

Իսկ թե ի՞նչ սկզբունքներ է իր մեջ ներառում «խաղաղություն՝ առանց զիջումների» ծրագիրը, և ի՞նչ այլընտրանքներ են առաջարկում, Սամվել Կարապետյանը չներկայացրեց:

Գործարար Կարապետյանը հունիսի 7-ի ընտրություններից 10 օր անց էր հայտարարել ընդդիմադիրներին համախմբելու իր նախաձեռնության մասին։ Օգոստոսի սկզբին արդեն վստահեցրեց, որ Նիկոլ Փաշինյանի կառավարության դեմ պայքարի օրակարգով ընդդիմադիր ուժերի համախմբման քննարկումները սկսվել են: Այս քննարկումներից, սակայն, հանրությանը, մանրամասներ հայտնի չեն դարձել:

Գործարարը անցած ամիս էլ պնդել էր, թե ընդդիմադիրների շրջանում իր նախաձեռնած կոնսոլիդացիան «շատ արագ գնում է առաջ»: