Բանակը խայտառակ անողները դարձել են բանակի դեմքը Փաշինյանը վաբա՞նկ է գնում Ինչո՞ւ է Փաշինյանը նյարդային.Ներքի՞ն, թե՞ արտաքին ազդակներ կան Խաղաղության ճանապարհին մեկ խոչընդոտ կա՝ ընդդիմությունը. Նիկոլ Փաշինյան Հայաստանի ոչ մի ղեկավար երբևէ իրեն թույլ չի տվել ժողովրդի առջև հանդես գալ նման գռեhիկ պահվածքով. Լևոն Տեր-Պետրոսյանը՝ Փաշինյանի մասին Առաջիկա օրերին ջերմաստիճանը կբարձրանա 3-5 աստիճանով, ապա նույնքանով կնվազի Հայաստանը թուրքական կողմի հետ նախատեսում է երկրորդ կամուրջ կառուցել Մարգարայի հատվածում. Արարատ Միրզոյան Սի-Թրամփ-Պուտին հանդիպումն ավարտվել է. այն տևել է 1,5 ժամ
Բրյուսելը ողջունում է Երևանի և Բաքվի միջև առաջընթացը

Բրյուսելը ողջունում է Երևանի և Բաքվի միջև առաջընթացը

  • 133

«Եվրոպական միությունը Հայաստանի և Ադրբեջանի միջև առևտրային և տարանցիկ սահմանափակումների վերացումը, ինչպես նաև ադրբեջանական և հայկական համայնքների միջև շփումների ընդլայնումը համարում է երկու երկրների միջև խաղաղության պայմանագրի նախագծի նախաստրոագրումից հետո անցած մեկ տարվա հիմնական ձեռքբերումները»,-հայտնել է Արտաքինկապերի եվրոպական ծառայության (EEAS) պաշտոնական ներկայացուցիչ Անիտա Հիպերը։

 

 

ԵՄ պաշտոնյայի  խոսքով՝ 2025 թվականի օգոստոսի 8-ին խաղաղության պայմանագրի նախագծի նախաստորագրումը և խաղաղ գործընթացի վերաբերյալ համատեղ հռչակագրի ստորագրումը «պատմական քայլեր» են նշանավորել Ադրբեջանի և Հայաստանի միջև հարաբերությունների լիակատար կարգավորման ճանապարհին։ «Այդ ժամանակից ի վեր կողմերը հասել են կարևոր առաջընթացի, որն օգուտ է բերել երկու երկրներին», — նշել է Հիպերը։

ԵՄ-ը ընդգծել է առևտրային և տարանցիկ սահմանափակումների վերացման, պահվող անձանց ազատ արձակման և երկու երկրների ներկայացուցիչների միջև շփումների ընդլայնման կարևորությունը «Խաղաղության կամուրջ» նախաձեռնության շրջանակում։

 

Միևնույն ժամանակ, Բրյուսելում կարծում են, որ ձեռք բերված պայմանավորվածությունները պետք է շարունակեն կյանքի կոչվել, իսկ խաղաղության պայմանագիրը պետք է ստորագրվի և վավերացվի։

ԵՄ-ը նաև աջակցում է կարգավորման ճանապարհին հետագա գործնական քայլերին, այդ թվում՝ տրանսպորտային փոխկապակցվածության, առևտրի և էներգետիկայի ոլորտներում համագործակցության ընդլայնմանը, հայտնել է Հիպերը։

Նա հավելել է, որ շարունակում են կարևոր նշանակություն ունենալ սահմանազատման և սահմանագծման հարցերում հետագա առաջընթացը, հումանիտար խնդիրների լուծումը և հաշտեցմանն ուղղված ջանքերը, այդ թվում՝ հասարակական մակարդակում։

«ԵՄ-ը պատրաստ է ցուցաբերել հետագա աջակցություն և տրամադրել փորձագիտական օգնություն այս բոլոր ոլորտներում», — ընդգծել է ԵՄ ներկայացուցիչը։

Նախորդ հոդվածը
Մարտուն Գրիգորյանը ձերբակալվել է. Հակակոռուպցիոն կոմիտեն պատրաստվում է կալանավորման միջնորդություն ներկայացնել
Հաջորդ հոդվածը
Եկեղեցիներից գողություններ կատարած երկու տղամարդ է ձերբակալվել. հայտնաբերվել է գողոնի մի մասը