Ֆրանսիայի նախագահը նախ շնորհավորել է վարչապետին խորհրդարանական ընտրություններում հաղթանակի առիթով՝ մաղթելով հաջողություններ առաջիկա գործունեության ընթացքում։

Զրուցակիցները քննարկել են Հայաստան–Ֆրանսիա ռազմավարական գործընկերությանն առնչվող հարցերի լայն շրջանակ՝ վերահաստատելով երկկողմ հարաբերությունների հետևողական զարգացման և համագործակցության ընդլայնման փոխադարձ պատրաստակամությունը։
Նիկոլ Փաշինյանը շնորհակալություն է հայտնել Էմանուել Մակրոնին՝ Հայաստանի ժողովրդավարական բարեփոխումներին Ֆրանսիայի շարունակական աջակցության համար, ինչպես նաև ընդգծել առևտրատնտեսական կապերի խորացման ու հայկական արտահանման հնարավորությունների ընդլայնման կարևորությունը։
Հեռախոսազրույցի ընթացքում անդրադարձ է կատարվել նաև Հայաստան–Եվրոպական միություն գործընկերության խորացման ընթացքին, տարածաշրջանային ու միջազգային օրակարգի հարցերին, ինչպես նաև Հայաստանի և Ադրբեջանի միջև ընթացող խաղաղության գործընթացին։
Երկու երկրների ղեկավարներն էլ հատուկ կարևորել են Հարավային Կովկասում կայուն և տևական խաղաղության հաստատումը։