Հայաստանն ու ԱՄՆ-ն քննարկել են գյուղատնտեսության ոլորտում համագործակցության հեռանկարները
ՀՀ դեսպան Նարեկ Մկրտչյանն ԱՄՆ Գյուղատնտեսության քարտուղարությունում հանդիպել է Արտաքին գյուղատնտեսական ծառայության ղեկավար Դանիել Ուիթլիի հետ։ Այս մասին հայտնում է դեսպանությունը։
Հանդիպման ընթացքում կողմերը քննարկել են Հայաստանի և Միացյալ Նահանգների միջև գյուղատնտեսության ոլորտում համագործակցության ընդլայնման հնարավորությունները։ Առանձնակի ուշադրություն է դարձվել հայկական գյուղատնտեսական արտադրանքի՝ ԱՄՆ շուկա արտահանման հեռանկարներին, շուկա մուտքի ընթացակարգերին, գործող կարգավորումներին, ինչպես նաև արտահանման խթանման նախադրյալներին։ Բացի այդ, քննարկվել են երկու երկրների ոլորտային մասնավոր ընկերությունների միջև գործարար կապերի հաստատման և փոխշահավետ համագործակցության զարգացման հեռանկարները։
