Գագիկ Ծառուկյանին պատկանող ընկերությունների աշխատակիցները բողոքի ակցիաներ են սկսել
«Մուլտի Գրուպ» կոնցեռնի կազմում գտնվող մի շարք ընկերությունների աշխատակիցներ այսօր միաժամանակյա բողոքի ակցիաներ են անցկացնում ձեռնարկությունների տարածքներում՝ պահանջելով նախաքննական մարմիններից բացել կապարակնիքները և թույլ տալ վերադառնալ աշխատանքի։
Աշխատակիցների խոսքով՝ իրենք գտնվում են անորոշության մեջ։ Նրանք նշում են, որ ոստիկանները նույն օրը և նույն ժամին մուտք են գործել ընկերությունների տարածքներ, ինչից հետո աշխատակիցներին թույլ չեն տվել մտնել աշխատանքի։
