Թշնամու ձեռքը հասել է Մարտունու Սբ. Ներսես Մեծ եկեղեցուն

Օկուպացված Արցախում թշնամին շարունակում է պղծել հայկական  պատմամշակութային հուշարձանները։  Հերթական վանդալիզմի մասին հայտնում է Արցախի մշակութային ժառանգության մշտադիտարկմամբ զբաղվող Monument watch խումբը։ Մասնագետներն արձանագրել են, որ ադրբեջանցիներն վնասել են Մարտունու Սբ. Ներսես Մեծ եկեղեցին։ Մասնավորապես Արցախի օկուպացիայից հետո եկեղեցու վրա կրակահերթերի թարմ հետքեր են արձանագրվել, ինչի մասին փաստում են ադրբեջանական տելեգրամ ալիքներում հրապարակված տեսանյութերը․ Փաստ է նաև, որ օկուպանտները միտումնավոր ջարդել են նաև 2004-ին կառուցված  եկեղեցու պատուհանները։ 

Աշնան սկզբին Ադրբեջանը վերացրեց Արցախի արտգործնախարարության շենքը։ Ադրբեջանը վերացրել է նաև կիսանդրիներ, հայրենական ու արցախյան պատերազմներին նվիրված բազմաթիվ հուշարձաներ։