Երևանի դպրոցները սեպտեմբերի 15-ից՝ 5 շաբաթով անցնում են վեցօրյա ուսուցման
Սեպտեմբերի 15-ից Երևանի դպրոցներում հինգ շաբաթ շարունակ դասերը կանցկացվեն վեցօրյա աշխատանքային ռեժիմով։
ՀՀ կրթության, գիտության, մշակույթի և սպորտի նախարարությունից հայտնում են, որ սրա շնորհիվ աշակերտների աշնանային արձակուրդը մեկ շաբաթվա փոխարեն կտևի երկու շաբաթ։
Այս փոփոխությունը չի տարածվի առաջին դասարանցիների վրա, քանի որ նրանց համար սկզբնապես ևս սահմանված է եղել երկշաբաթյա արձակուրդ։
Ժամանակացույցի վերանայումը պայմանավորված է 2026 թվականի հոկտեմբերի 19-ից 30-ը Երևանում անցկացվելիք ՄԱԿ-ի Կենսաբազմազանության կոնվենցիայի կողմերի 17-րդ համաժողովով (COP17)։ Միջոցառման անցկացման շաբաթվա ընթացքում մայրաքաղաքի դպրոցներում ուսումնական գործընթացը ժամանակավորապես կդադարեցվի։
