Օգոստոսի 12-ին ՀՀ Ազգային ժողովի նախագահ Ռուբեն Ռուբինյանն ընդունել է Հայաստանում Չինաստանի Ժողովրդական Հանրապետության արտակարգ և լիազոր դեսպան Սինվեյ Լիին:

Հանդիպման սկզբում դեսպանը շնորհավորել է Ռուբեն Ռուբինյանին պատասխանատու պաշտոնում ընտրվելու առթիվ՝ մաղթելով արդյունավետ գործունեություն:

Զրույցի ընթացքում երկուստեք գոհունակությամբ արձանագրվել է, որ Հայաստանի և Չինաստանի միջև բարեկամական հարաբերությունները վստահորեն զարգանում են ռազմավարական գործընկերության բարձր մակարդակով: Զրուցակիցներն առանձնահատուկ անդրադարձ են կատարել միջխորհրդարանական կապերի հետագա խորացմանն ու ակտիվացմանը, ինչպես նաև քննարկել երկկողմ փոխգործակցության ընդլայնման հեռանկարները: Կողմերը կարևորել են ինչպես առկա ոլորտներում համագործակցության խորացումը, այնպես էլ նոր ու հեռանկարային ուղղություններով համատեղ աշխատանքի ծավալումը: