Գևորգ Պապոյան․ Հունիսի 1-ից հուլիսի 19-ը Հայաստանից արտահանվել է ավելի քան 7600 տոննա ծիրան
ՀՀ էկոնոմիկայի նախարար Գևորգ Պապոյանը սոցիալական ցանցի իր էջում ներկայացրել է ծիրանի արտահանման ընթացիկ ցուցանիշները՝ անդրադառնալով նաև դրա շուրջ շրջանառվող լուրերին։
Նախարարի փոխանցմամբ՝ այս տարվա հունիսի 1-ից հուլիսի 19-ն ընկած ժամանակահատվածում Հայաստանից արտահանվել է 7654 տոննա ծիրան, ինչը գերազանցում է 380 մեծ բեռնատարի ծավալը։
«Արտահանման աշխարհագրությունը բավականին լայն է, սակայն, օրինակ, Իսպանիա կամ Պորտուգալիա արտահանում չունենք։ Հետևաբար առաջարկում եմ, որ ընդդիմադիր մամուլն այսօր էլ մի մեքենա դեպի Պորտուգալիա «արտահանված» ծիրան «փչացնի»»,— նշել է Գևորգ Պապոյանը։
