Տեղի է ունեցել Հայաստանի վարչապետ Նիկոլ Փաշինյանի և Ղազախստանի նախագահ Կասիմ-Ժոմարտ Տոկաևի հեռախոսազրույցը
ՀՀ վարչապետը շնորհավորել է Ղազախստանի նախագահին Կուրուլտայի ընտրությունների հաջող անցկացման առթիվ՝ նշելով, որ քվեարկության արդյունքները փաստում են Տոկաևի իրականացրած բարեփոխումների նկատմամբ քաղաքացիների լայն աջակցությունը:
Իր հերթին, Ղազախստանի նախագահը շնորհակալություն է հայտնել ջերմ խոսքերի համար և ընդգծել երկու երկրների միջև բազմոլորտ համագործակցությունը զարգացնելու կարևորությունը։
Զրուցակիցները մտքեր են փոխանակել նաև տարածաշրջանային տրանսպորտային ծրագրերի իրականացման շուրջ և պայմանավորվել քննարկումները շարունակել առաջիկա հարմար առիթներով, մասնավորապես՝ հոկտեմբերին Ղազախստանի նախագահի՝ Հայաստան կատարելիք այցի ընթացքում։
