ՀՀ նախկին վարչապետ Հովիկ Աբրահամյանի որդին՝ Արգամ Աբրահամյանը, դատարանի որոշմամբ կալանավորվել է 2 ամսով։

Այս մասին հայտնում են Քննչական կոմիտեից։
Հիշեցնենք, որ օգոստոսի 8-ին իրավապահները տեղեկացրել էին սպանություն պատվիրելու մեղադրանքով վերջինիս ձերբակալման մասին:
Ըստ Քննչական կոմիտեի տվյալների՝ 2023 թվականի ապրիլի 30-ին Երևան քաղաքի Մյասնիկյան պողոտայի շենքերից մեկի մուտքում տեղի ունեցած սպանությունը պատվիրել է Արտաշատի նախկին քաղաքապետ, ԱԺ նախկին պատգամավոր Արգամ Աբրահամյանը։
Իրավապահ մարմինների կողմից դեպքի հետ կապված անձնական մանրամասների հրապարակումն արժանացել էր Մարդու իրավունքների պաշտպանի գրասենյակի արձագանքին։ ՄԻՊ-ն անընդունելի էր համարել քրեական վարույթի շրջանակում անձի և նրա ընտանեկան կյանքին վերաբերող տվյալների անհարկի հանրայնացումը: