Նիկոլ Փաշինյանը Չոլպոն-Ատայում մասնակցել է ԵԱՏՄ միջկառավարական խորհրդի նիստին
Վարչապետ Նիկոլ Փաշինյանը Ղրղզստանի Չոլպոն-Ատա քաղաքում մասնակցել է Եվրասիական միջկառավարական խորհրդի նեղ կազմով նիստին։
Միջոցառման մասնակիցներին դիմավորել է Ղրղզստանի նախարարների կաբինետի նախագահ Ադիլբեկ Կասիմալիևը: Արարողակարգային համատեղ լուսանկարահանումից հետո մեկնարկած նիստի սկզբում Կասիմալիևը ողջունել է ներկաներին և շնորհավորել Նիկոլ Փաշինյանին՝ խորհրդարանական ընտրություններում հաղթանակի ու ՀՀ վարչապետի պաշտոնում վերանշանակվելու կապակցությամբ։
Քննարկումների ընթացքում կողմերն անդրադարձել են Եվրասիական տնտեսական միության շրջանակում բազմոլորտ համագործակցությանն առնչվող առանցքային հարցերին։
